دیمانه: فه‌رهاد بلباس
نه‌جوا كه‌ره‌م له دیمانه‌یێكى گۆڤارى هه‌رێم دا:
زۆر گوىَ له گۆرانى كوردى ده‌گرم
دواى ماندوو بوون هه‌وڵێكی زۆر و چه‌ندین ئیمێل و سۆراخ كردن له‌باره‌ى چۆنییه‌تى په‌یوه‌ندى گرتن بۆ ئه‌نجامدانى دیمانه‌یه‌ك له‌گه‌ل هونه‌رمه‌ندی لوبنانی (نه‌جوا كه‌ره‌م) و سه‌ره‌رِاى په‌یوه‌ندى ته‌له‌فۆنى له‌گه‌ل هاورِێیانم له ولاَتى لوبنان، دوا جار هه‌وڵه‌كان به ئاكام گه‌یشتن و له‌رِێگاى تاریق ئه‌بو جۆده به‌رِێوه‌به‌رى كاره‌كانى ئه‌م هونه‌رمه‌نده پرسیاره‌كانم بۆى ئێمێل كرد وهونه‌رمه‌ند نه‌جوا كه‌ره‌م به‌مشێوه‌یه‌ى كه ده‌یخوێننه‌وه ولاَمى داینه‌وه.
ئه‌وه‌ى منى بۆ ئه‌م دیمانه‌یه كێش كرد پتر ئه‌وه‌بوو كه‌وا نه‌جوا كه‌ره‌م كه‌م تا زۆر په‌یوه‌ندى له‌گه‌ل كورده‌كانى لوبنان دا هه‌یه و ژیانى ئه‌م خاتوونه‌ش چه‌ند وێستگه‌یێگى سه‌رنجرِاكێشى له خۆ گرتووه، زێده‌بارى ئه‌وه‌ى كه هه‌ڵگرى چه‌ند خه‌سله‌تێكى جوان و ده‌گمه‌نى هونه‌رییه.
* له‌سه‌ره‌تادا پرسیارێكى لاساییمان هه‌یه، چوونه ناو جیهانى هونه‌رت چۆن بوو؟
- له رِێگاى پرۆگرامى (له‌یالى لوبنان)ه‌وه بوو، هه‌روه‌ها سوپاسی خوشكم سه‌لوا كه‌ره‌م ده‌كه‌م كه یه‌كه‌مین كه‌س بوو پشته‌وانى لێكردم بۆ ئه‌وه‌ى به‌شدارى له پرۆگرامه‌كه‌دا بكه‌م و تێیدا سه‌ركه‌وم.
* ئه‌وسا كه له‌سه‌ر ده‌په‌ى شانۆ وه‌ستاى هه‌ستت به‌چى كرد؟
- هه‌ستێك كه گوزارشتى لێ ناكرىَ، له‌و كاته‌ى له‌سه‌ر شانۆ ده‌وه‌ستیت و ئه‌و جه‌ماوه‌ره ده‌بینیت كه له‌پێناوى تۆدا ئاماده بوونه ئا له‌و ساته‌دا ئاستى خۆشه‌ویستى ئه‌وان و ئاوێته‌بوونیان له‌گه‌لت ده‌زانیت... ئاهه‌نگه‌كانیش رووى راستى هونه‌رمه‌ندى خاوه‌ن جه‌ماوه‌ره.
* تۆ چ شتێك به هۆكارى سه‌ركه‌وتنت ده‌زانیت؟
- ده‌ستنیشان كردنى گۆرانییه‌كان و پشت به‌ستنم له‌سه‌ر تواناى ده‌نگى خۆم.
* بۆچى له‌ناوه‌رِاستى هه‌موو وه‌رزى هاوینێك ئه‌لبوومى نوێى خۆت بلاَو ده‌كه‌یه‌وه؟
- گه‌شبینیێك له وه‌رزى هاویندا هه‌یه، سه‌باره‌ت به هاوین وه‌رزى دروێنه به واتاى رنینه‌وه له‌و كاته‌دا هه‌ست به هاندانێكى زۆر بۆ پێشه‌وه ده‌كه‌م. له‌چوارچێوه‌ى ره‌نگێكى نوىَ كه‌وا له‌م وه‌رزه‌دا پێشكه‌شی جه‌ماوه‌ره‌كه‌ى خۆمى ده‌كه‌م به‌تایبه‌تى كه وه‌رزى فیستیڤاڵه‌كانه.
* تیپى مۆزیكی تایبه‌ت به‌خۆت هه‌یه؟
- بێگومان پێكهاتووه له بیست ژه‌نیار، ئه‌مه سه‌ره‌رِاى ئه‌وانه‌ى وه‌كو كۆرس رۆڵ ده‌بینن.
* بۆ ئه‌و گۆرانبێژانه چى ده‌ڵێیت كه‌وا به زمان و دیالیكته‌كانى تر گۆرانى ده‌چرِن، تۆ هه‌تا ئێستا جیا له زمانى عه‌ره‌بی بۆچى به‌زمانێكى دیكه گۆرانیت نه‌گوتووه؟
- سوپاس بۆ خوا له‌به‌ر سه‌ركه‌وتنمه له‌زمانه‌كه‌م و هه‌روه‌ها چونكه خۆم له‌هیچ زمانێكى دیكه‌دا نابینمه‌وه.
* ئاماده‌ییت هه‌یه ریكلام بۆ كۆمپانیاكان بكه‌یت؟
- نه‌خێر ئه‌مه كارى من نیه و هه‌رگیز بیرم له‌و شته نه‌كردۆته‌وه.
* رقت له چیه؟
- رقم له زۆر شته كه‌وا به‌دڵم نین به تایبه‌تى درۆ و فریودان و ناپاكى.
* چۆن گۆرانییه‌كانت هه‌ڵده‌بژێریت؟
- یه‌كه‌م: وشه‌یێك كه‌وا نه‌نگ نه‌بێت.
دووه‌م: ئاوازێكى ئاسان كه بچێته دڵى خه‌ڵكه‌وه.
سێیه‌م كه بۆ جارى یه‌كه‌م گوێى لێده‌گرم بیر له‌وه ده‌كه‌مه‌وه كه‌وا چۆن له شانۆ ده‌یلێمه‌وه، هه‌ندێك گۆرانى هه‌ن خه‌ڵكى كه گوێبیستى ده‌بن هه‌ست به جۆشێكى زۆر ده‌كه‌ن به تایبه‌تى له‌سه‌ر شانۆ هه‌روه‌كوئه‌وه‌یه كه بۆ جارى یه‌كه‌مه گوێیان لێى ده‌بێت ... هه‌رچى ئه‌و گۆرانیه‌ى كه‌وا سه‌ركه‌وتوو نه‌بێت جارێكى دیكه نایلێمه‌وه.
* تا كه‌ى به ته‌نهایى ژیان به‌سه‌ر ده‌به‌یت؟
- ئه‌و ترووسكه گه‌وره‌یه‌ى له‌گه‌ل جه‌ماوه‌ردا هه‌ستى پێده‌كه‌م له ته‌نهایى دوورم ده‌خاته‌وه، به‌شێوه‌یێك هاورِێیه‌تیم له‌گه‌ل ته‌نهاییدا هه‌بووه له‌گه‌ل یه‌كترى بیر له‌و رۆژانه ده‌كه‌ینه‌وه و دڵنیاشم كه‌وا به چه‌پله لێدان رۆژێك كۆتایى پێدێت و ئه‌گه‌ر له‌نێو هونه‌ر بم یاخود له ده‌ره‌وه‌ى ئاوێنه‌كه‌م وه‌كو خۆى ده‌مێنێته‌وه .... كۆتاییش بۆ من ده‌سپێكه و هونه‌ریش به‌لاى منه‌وه ئاره‌زوویێكه كه له‌م رێگایه‌وه خزمه‌ت به ناسنامه‌ى خۆم و لوبنانیه‌تى و نیشتمانى خۆم ده‌كه‌م و ئه‌و هه‌سته‌شم له‌لادا دروست ده‌بێت كه‌وا له كاتێدا باش فێر ببم تووشی نشوستیش ده‌بم.
* له‌هه‌ر هه‌موو وێنه‌كانتدا بزه به‌سه‌ر لێوته‌وه‌یه، نه‌جوا كه‌ره‌م كه‌ى ده‌گریێت؟
- له‌كاتى سته‌مدا كه دبینم كه‌سێك یان میلله‌تێك دووچارى سته‌م ده‌بێت ئا له‌و كاته‌دا زۆر ده‌گریێم.
* له سیاسه‌ت نزیكیت؟
- نه‌خێر من مرۆڤێكى سیاسی نیم، به‌لاَم ولاَتى خۆم خۆش ده‌وێت و سیاسییه‌كان له رێگاى سیاسه‌ت خزمه‌ت به ولاَته‌كه‌یان ده‌كه‌ن و منیش هه‌روه‌ها له‌رێگاى به‌رهه‌مه هونه‌رییه‌كانمه‌وه خزمه‌ت به نیشتمان و جه‌ماوه‌ره‌كه‌م ده‌كه‌م.
* ئه‌گه‌ر گۆرانیبێژ نه‌بوویتایه چى ئه‌بوویت؟
- مامۆستا، له‌به‌ر ئه‌وه‌ى مامۆستا بووم و شانازى پێوه ده‌كه‌م و ئێستاش توانای ئه‌وه‌م هه‌یه زانست و هونه‌ر فێرى خه‌ڵك بكه‌م كه هه‌ردووكیان بۆ ژیانى مرۆڤ گرینگن.
* به‌پێى هۆنراوه‌ى گۆرانییه‌كانت زۆر كه‌س پێیان وایه بۆ كه‌سێك گۆرانى ده‌ڵێیت، یان گۆرانییه‌كانت گوزارشت له‌خۆت ده‌كه‌ن ... ئه‌مه راسته؟
- من دۆخى هه‌موو كچانى رۆژهه‌لاَتى ده‌خه‌مه رِوو، دڵى كچان كه‌وا چۆن هه‌ست ده‌كه‌ن گۆرانى ده‌ڵێم .... چونكه دابونه‌ریتى تایبه‌تیمان هه‌یه و كچانى رۆژهه‌لاَت وه‌كو رۆژئاواییه‌كان نین. زۆر بابه‌تى دیكه هه‌ن كه‌وا نه‌مگوتوون و له راستیدا ناتوانم شتێكى دیاریكراو بڵێم به‌لام بێگومان رۆژانى داهاتوو پتر گوزارشتى لێوه ده‌كه‌ن.
* بۆچى له مانگى ره‌مه‌زاندا ئاهه‌نگه‌كانت راده‌گریت؟
- وه‌كو رێزگرتنێك بۆ ئه‌م مانگه پیرۆزه ئاماده‌نیم هیچ ئاهه‌نگ و فیستیڤاڵێك ساز ناده‌م.
* دواى ده‌ركردنى هه‌ر ئه‌لبوومێكى نوىَ چه‌ندین كۆنسێرت و ئاهه‌نگ له لوبنان و ده‌ره‌وه‌ى لوبنان ساز ده‌كه‌یت، ئایا ئه‌مه رێكلامه بۆ ئه‌لبوومه‌كان؟
- بێًگومان به‌رهه‌مى سه‌ركه‌وتنى ئه‌لبووم له زۆرى كۆنسێرته؟
* سه‌ره‌رِاى ئه‌وه‌ى خوێنه‌رێكى باشی هه‌وڵى ئه‌وه‌ت نه‌داوه هۆنراوه بۆ گۆرانییه‌كانت بنووسییه‌وه؟
- به‌ڵىَ له ئه‌لبوومى ساڵى 2008 هۆنراوه‌ی (دایك) هى خۆم بوو، كه‌چى به‌شێوه‌یێكى گشتى حه‌ز به خوێندنه‌وه‌ى په‌رتووك و ئه‌و رۆمانانه ده‌كه‌م كه گوزارشت له له‌رووداى راسته‌قینه ده‌كه‌ن و هه‌روه‌ها بیلۆگرافییا. من ئاشقى هه‌ندێكیانم بۆ ئه‌وه‌ى سوود له ئه‌زموونى به‌هره‌داران وه‌رگرم.
* ئایا ئه‌و داهاتانه‌ى له كۆنسێرته‌كان ده‌ستت ده‌كه‌ون ده‌یبه‌خشییه هه‌ژاره‌كان؟
- من ترسم له‌و پرسیاره هه‌بوو، پێمباشه ئه‌مه له‌نێوانى خۆم و خوادا بمێنێته‌وه.
* نه‌جوا كه‌ره‌م كچێكى به‌نازه و ناز به‌سه‌ر كێوه ده‌كات؟
- نه‌خێر به‌ناز نیم و زۆر ووردم له‌كاره‌كانى زانستى و هونه‌ریم دا.
* كامه هه‌ڵوێست له‌ژیانت دا زۆر پێى كاریگه‌ر بووى؟
- زۆر هه‌ڵوێستى ناخۆش له‌ژیانمدا روویان داوه و پێمخۆش نیه باسیان لێوه بكه‌م و هه‌ر كه‌سێك تووشی هه‌ڵوێستى ناخۆش بووه.
* له‌و كاتانه‌ى به ته‌نهای بۆ خۆت گۆرانی ده‌ڵێیت، كامه گۆرانییه؟
- گۆرانییه‌كانى خاتوو فه‌یروز و هونه‌رمه‌ند وه‌دیع ئه‌لسافی.
* ئایا نه‌جوا كه‌ره‌م ئاشقه؟
- زۆر زۆر... من نامه‌وىَ دڵم كۆنترۆڵ بكه‌م و پێم باشتره خۆم رِاده‌ستى بكه‌م.
* به‌ر له ئێستا (ما بسمحلك) ت گوت و ئه‌مرِۆش (خلینی شوفك)؟
- له كۆتاییدا ده‌مه‌وىَ ئه‌وه ببینم كه‌وا له‌باره‌یه‌وه پرسیارمى لێ ده‌كه‌ى و كه گوتم (ما بسمحلك) مه‌به‌ستم له‌وه‌یه من به‌و شێوه‌یه ده‌تبینم كه‌وا پێویسته ئه‌وى تر ببینم و لێره‌شدا باس له شه‌رم و خۆشه‌ویستى رۆژهه‌لاَتى ده‌كرێت كه له‌وانه‌یه كۆتایى پىَ نه‌یێت و (خلینى شوفك) له هۆنراوه‌ى حوسێن ئیسماعیل و بابه‌تى گۆرانییه‌كه‌ش بابه‌تێكى بوێرانه‌یه له‌هه‌موو رووێكه‌وه. هه‌رگیز داواى ده‌ستكارى كردنى ده‌سته‌واژه‌ى هۆنراوه‌كه‌م نه‌كردووه و برِوام وابووه كه‌وا سنوور و هێڵى سوورى نه‌به‌زاندووه و ئه‌مه‌ش ناوبرِێكه له‌نێوان شه‌رمى كچى رۆژهه‌لاَتى و بانگه‌شه كردنى بۆ خۆشه‌ویستى.
* تۆ مرۆڤێكى به به‌زه‌ییت حه‌ز له هه‌ژار و ئه‌وانه‌یه كه سته‌میان له‌دژ ده‌كرێت و به‌رگرییت لیێان كردووه له كاتێكدا كه قوتابی بووى به تایبه‌تى به‌رگریكردن له هاورِێكانت له قوتابخانه‌دا، بۆچى نه‌بوویته پارێزه‌ر؟
- له كاتێكدا مامۆستا بووم پیشه‌كه‌ى خۆم خۆشویست و ئێستاش هونه‌رم خۆش ده‌وێت و بیرم له پارێزه‌رایه‌تى نه‌كردۆته‌وه.
* زۆر حه‌ز به وێنه‌گرتن ده‌كه‌یت و ئاره‌زووى گرتنى ده‌كه‌یت؟
- نه‌خێر هه‌رگیز به‌لاَم له‌گه‌ل هه‌ر ئه‌لبوومێك و ئاهه‌نگێكدا ئێوه‌ى رۆژنامه‌نووس وێنه‌م ده‌گرن من حه‌ز به رووكه‌ش ناكه‌م.
* بۆچى هه‌ندێك جار رقت له رۆژنامه‌گه‌رییه؟
- من هاورِێتى زۆرم له‌گه‌ل رۆژنامه‌گه‌رى هه‌یه و پێموایه رۆژنامه‌گه‌رى وێنه و وشه‌ی هونه‌رمه‌نده و له‌ناخمدا رقم بۆ رۆژنامه‌گه‌رى نیه و رۆژنامه‌نووس و رۆژنامه‌كانم خۆش ده‌وێت.
* به‌رهه‌مى دیكه‌ى دوور له هونه‌رت هه‌یه؟
- هه‌موو كاتى خۆمم بۆ هونه‌ر ته‌رخان كردووه و هه‌رگیز هیچ كارێكى دیكه‌م نیه جیا له هونه‌ر.
* كامه ره‌نگت له‌لا جوانه؟
- سه‌وز
* تۆ مامۆستابوویت، فێركردنى سه‌دان قوتابى چ جیاوازیێكى له‌نێوانى هونه‌ر و مامۆستایه‌تیدا هه‌یه؟
- له زانستدا تۆ پێویستیت به هه‌وڵ و ماندوبوون هه‌یه بۆ ئه‌وه‌ى بگه‌یته ئامانجه‌كانت كه‌چى له هونه‌ردا له‌یه‌ك كاتدا پێویستیت به ماندوبوون و به‌هره ده‌بێت.
* له چ كاتێكدا خۆت لاواز ده‌بینیت؟
- له كاتێكدا كه تواناكانى یه‌زدانی گه‌وره ده‌بینم.
* كىَ ئه‌و كه‌سه‌یه كه‌وا نهێنییه‌كانى ژیانى خۆتى له‌گه‌ل باس ده‌كه‌یت؟
- نه‌جواى دووه‌م، پشت به‌خوا ده‌به‌ستم دواتریش له‌سه‌ر خۆم ... له هه‌ندێك بوارى دیكه‌شدا كه‌سانێك هه‌ن له نێو خانه‌واده‌كه‌م كه راوێژیان پێ ده‌كه‌م.
* ئایا كابانێكى چاكیت؟
- له دروست كردنى شیرنه‌مه‌نى و شتى دیكه‌ش.
* زانیاریت سه‌باره‌ت به گۆرانى كوردى هه‌یه و كێن ئه‌و هونه‌رمه‌نده كوردانه‌ى كه ده‌یانناسیت؟
- زۆر گوىَ له گۆرانى كوردى ده‌گرم به‌لاَم وه‌كو ناو گۆرانیبێژه‌كان ناناسم.
* زۆر جار گوتووته كه‌وا له‌به‌ر پیاو ناتوانم واز له هونه‌ر بهێنم؟
- هونه‌ر له شته گرینگه‌كانى ژیانمه و دووباره‌شی ده‌كه‌مه‌وه من له‌پێناو پیاو واز له‌هونه‌ر ناهێنم هه‌ر وه‌كو له‌سه‌ره‌تادا باسم كرد من مرۆڤێكى هونه‌رمه‌ندم و كاته‌كانم هه‌مووى بۆ ئه‌وه.
* چى بۆ گوێگر و هه‌وادارنى گۆرانییه‌كانت له كوردستان ده‌ڵێیت؟
- پێیان راده‌گه‌یه‌نم كه‌وا له‌و نزیكانه له شارى به‌عله‌به‌گ كارێكم بۆیان هه‌یه. پشتیوان به‌خودای گه‌وره گه‌شتێك له‌به‌رنامه‌ممدا هه‌یه بۆ عیراق.
*با تۆزىَ له هونه‌ر دوور كه‌وینه‌وه كاته‌كانت چۆن به‌سه‌ر ده‌به‌یت؟
- هه‌موو كاته‌كانى خۆم له‌گه‌ل خانه‌واده‌كه‌م به‌سه‌ر ده‌به‌م و هه‌ره‌وها له دروست كردنى شیرنه‌مه‌نى و هاوكارییان ده‌كه‌م به تایبه‌تى زۆر حه‌ز به شیرنه‌مه‌نى ده‌كه‌م و ئه‌گه‌ر خۆم دروستى بكه‌م.
* كه له‌گه‌ل خانه‌واده‌كه‌تى ده‌ڵێن زۆر قسه ده‌كه‌یت؟
- به‌شدارى گفتوگۆیه‌كان ده‌كه‌م له‌هه‌موو بابه‌تێك دا.
* دانیشتووانى شاره‌دێى (زه‌حله) باس له رۆژانى منداڵه‌تیت ده‌كه‌ن كه سه‌رۆكى گرووپێكى منداڵه چه‌توونه‌كان بووى و یان به واتایێكى دیكه ده‌سه‌لاَتت به‌سه‌ر هاورِێكانته‌وه هه‌بووه، ئێستا چى بۆ هاورِیێه‌كانت ده‌ڵێیت كه ئه‌وسا له‌گه‌لیان ژیاویت؟
- دانیشتووانى زه‌حله‌م زۆر خۆش ده‌وێت و من زه‌حلاویم و به‌رده‌وامیش په‌یوه‌ندیم له‌گه‌لیاندا هه‌یه، هه‌موو كه‌سێك ده‌گۆرِێت و ژیانیش به چه‌ند قۆناغێكدا ره‌ت ده‌بێت ... شانازى به زه‌حلاویه‌تى خۆم ده‌كه‌م.
* هه‌ست ناكه‌ى ته‌مه‌نت به‌سه‌ر چووه؟
- هه‌رگیز ئه‌و هه‌سته به مێشكمدا نه‌هاتووه.
* چۆن ئه‌م وشانه لێك ده‌ده‌یته‌وه؟
ولاَت: ره‌گ و بوون
مۆزیك: به‌خته‌وه‌رى دڵ
خۆشه‌ویستى: خۆشنوودى و په‌ناگه
رۆژنامه‌گه‌رى: به‌رده‌وامیبوون له‌گه‌ل جیهان.
دابرِان: په‌ستى
* دوا وته‌ت؟
- سوپاسى تۆ و سوپاسی رۆژنامه‌گه‌رى كوردى ده‌كه‌م و داواى لێبووردنیشم هه‌یه له‌به‌ر ئه‌وه‌ى له ئه‌نجامدانى ئه‌م دیمانه‌یه دوا كه‌وتم و هۆكاره‌كه‌شی له‌به‌ر ده‌ركردنى دوا ئه‌لبووم بوو، خۆشه‌ویستى و رێز بۆ هه‌واداره خۆشه‌ویسته‌كانم هه‌یه له‌هه‌ر كوێیه‌ك بن.
نه‌جوا كه‌ره‌م له دیمانه‌یێكى گۆڤارى هه‌رێم دا:
زۆر گوىَ له گۆرانى كوردى ده‌گرم
دواى ماندوو بوون هه‌وڵێكی زۆر و چه‌ندین ئیمێل و سۆراخ كردن له‌باره‌ى چۆنییه‌تى په‌یوه‌ندى گرتن بۆ ئه‌نجامدانى دیمانه‌یه‌ك له‌گه‌ل هونه‌رمه‌ندی لوبنانی (نه‌جوا كه‌ره‌م) و سه‌ره‌رِاى په‌یوه‌ندى ته‌له‌فۆنى له‌گه‌ل هاورِێیانم له ولاَتى لوبنان، دوا جار هه‌وڵه‌كان به ئاكام گه‌یشتن و له‌رِێگاى تاریق ئه‌بو جۆده به‌رِێوه‌به‌رى كاره‌كانى ئه‌م هونه‌رمه‌نده پرسیاره‌كانم بۆى ئێمێل كرد وهونه‌رمه‌ند نه‌جوا كه‌ره‌م به‌مشێوه‌یه‌ى كه ده‌یخوێننه‌وه ولاَمى داینه‌وه.
ئه‌وه‌ى منى بۆ ئه‌م دیمانه‌یه كێش كرد پتر ئه‌وه‌بوو كه‌وا نه‌جوا كه‌ره‌م كه‌م تا زۆر په‌یوه‌ندى له‌گه‌ل كورده‌كانى لوبنان دا هه‌یه و ژیانى ئه‌م خاتوونه‌ش چه‌ند وێستگه‌یێگى سه‌رنجرِاكێشى له خۆ گرتووه، زێده‌بارى ئه‌وه‌ى كه هه‌ڵگرى چه‌ند خه‌سله‌تێكى جوان و ده‌گمه‌نى هونه‌رییه.
* له‌سه‌ره‌تادا پرسیارێكى لاساییمان هه‌یه، چوونه ناو جیهانى هونه‌رت چۆن بوو؟
- له رِێگاى پرۆگرامى (له‌یالى لوبنان)ه‌وه بوو، هه‌روه‌ها سوپاسی خوشكم سه‌لوا كه‌ره‌م ده‌كه‌م كه یه‌كه‌مین كه‌س بوو پشته‌وانى لێكردم بۆ ئه‌وه‌ى به‌شدارى له پرۆگرامه‌كه‌دا بكه‌م و تێیدا سه‌ركه‌وم.
* ئه‌وسا كه له‌سه‌ر ده‌په‌ى شانۆ وه‌ستاى هه‌ستت به‌چى كرد؟
- هه‌ستێك كه گوزارشتى لێ ناكرىَ، له‌و كاته‌ى له‌سه‌ر شانۆ ده‌وه‌ستیت و ئه‌و جه‌ماوه‌ره ده‌بینیت كه له‌پێناوى تۆدا ئاماده بوونه ئا له‌و ساته‌دا ئاستى خۆشه‌ویستى ئه‌وان و ئاوێته‌بوونیان له‌گه‌لت ده‌زانیت... ئاهه‌نگه‌كانیش رووى راستى هونه‌رمه‌ندى خاوه‌ن جه‌ماوه‌ره.
* تۆ چ شتێك به هۆكارى سه‌ركه‌وتنت ده‌زانیت؟
- ده‌ستنیشان كردنى گۆرانییه‌كان و پشت به‌ستنم له‌سه‌ر تواناى ده‌نگى خۆم.
* بۆچى له‌ناوه‌رِاستى هه‌موو وه‌رزى هاوینێك ئه‌لبوومى نوێى خۆت بلاَو ده‌كه‌یه‌وه؟
- گه‌شبینیێك له وه‌رزى هاویندا هه‌یه، سه‌باره‌ت به هاوین وه‌رزى دروێنه به واتاى رنینه‌وه له‌و كاته‌دا هه‌ست به هاندانێكى زۆر بۆ پێشه‌وه ده‌كه‌م. له‌چوارچێوه‌ى ره‌نگێكى نوىَ كه‌وا له‌م وه‌رزه‌دا پێشكه‌شی جه‌ماوه‌ره‌كه‌ى خۆمى ده‌كه‌م به‌تایبه‌تى كه وه‌رزى فیستیڤاڵه‌كانه.
* تیپى مۆزیكی تایبه‌ت به‌خۆت هه‌یه؟
- بێگومان پێكهاتووه له بیست ژه‌نیار، ئه‌مه سه‌ره‌رِاى ئه‌وانه‌ى وه‌كو كۆرس رۆڵ ده‌بینن.
* بۆ ئه‌و گۆرانبێژانه چى ده‌ڵێیت كه‌وا به زمان و دیالیكته‌كانى تر گۆرانى ده‌چرِن، تۆ هه‌تا ئێستا جیا له زمانى عه‌ره‌بی بۆچى به‌زمانێكى دیكه گۆرانیت نه‌گوتووه؟
- سوپاس بۆ خوا له‌به‌ر سه‌ركه‌وتنمه له‌زمانه‌كه‌م و هه‌روه‌ها چونكه خۆم له‌هیچ زمانێكى دیكه‌دا نابینمه‌وه.
* ئاماده‌ییت هه‌یه ریكلام بۆ كۆمپانیاكان بكه‌یت؟
- نه‌خێر ئه‌مه كارى من نیه و هه‌رگیز بیرم له‌و شته نه‌كردۆته‌وه.
* رقت له چیه؟
- رقم له زۆر شته كه‌وا به‌دڵم نین به تایبه‌تى درۆ و فریودان و ناپاكى.
* چۆن گۆرانییه‌كانت هه‌ڵده‌بژێریت؟
- یه‌كه‌م: وشه‌یێك كه‌وا نه‌نگ نه‌بێت.
دووه‌م: ئاوازێكى ئاسان كه بچێته دڵى خه‌ڵكه‌وه.
سێیه‌م كه بۆ جارى یه‌كه‌م گوێى لێده‌گرم بیر له‌وه ده‌كه‌مه‌وه كه‌وا چۆن له شانۆ ده‌یلێمه‌وه، هه‌ندێك گۆرانى هه‌ن خه‌ڵكى كه گوێبیستى ده‌بن هه‌ست به جۆشێكى زۆر ده‌كه‌ن به تایبه‌تى له‌سه‌ر شانۆ هه‌روه‌كوئه‌وه‌یه كه بۆ جارى یه‌كه‌مه گوێیان لێى ده‌بێت ... هه‌رچى ئه‌و گۆرانیه‌ى كه‌وا سه‌ركه‌وتوو نه‌بێت جارێكى دیكه نایلێمه‌وه.
* تا كه‌ى به ته‌نهایى ژیان به‌سه‌ر ده‌به‌یت؟
- ئه‌و ترووسكه گه‌وره‌یه‌ى له‌گه‌ل جه‌ماوه‌ردا هه‌ستى پێده‌كه‌م له ته‌نهایى دوورم ده‌خاته‌وه، به‌شێوه‌یێك هاورِێیه‌تیم له‌گه‌ل ته‌نهاییدا هه‌بووه له‌گه‌ل یه‌كترى بیر له‌و رۆژانه ده‌كه‌ینه‌وه و دڵنیاشم كه‌وا به چه‌پله لێدان رۆژێك كۆتایى پێدێت و ئه‌گه‌ر له‌نێو هونه‌ر بم یاخود له ده‌ره‌وه‌ى ئاوێنه‌كه‌م وه‌كو خۆى ده‌مێنێته‌وه .... كۆتاییش بۆ من ده‌سپێكه و هونه‌ریش به‌لاى منه‌وه ئاره‌زوویێكه كه له‌م رێگایه‌وه خزمه‌ت به ناسنامه‌ى خۆم و لوبنانیه‌تى و نیشتمانى خۆم ده‌كه‌م و ئه‌و هه‌سته‌شم له‌لادا دروست ده‌بێت كه‌وا له كاتێدا باش فێر ببم تووشی نشوستیش ده‌بم.
* له‌هه‌ر هه‌موو وێنه‌كانتدا بزه به‌سه‌ر لێوته‌وه‌یه، نه‌جوا كه‌ره‌م كه‌ى ده‌گریێت؟
- له‌كاتى سته‌مدا كه دبینم كه‌سێك یان میلله‌تێك دووچارى سته‌م ده‌بێت ئا له‌و كاته‌دا زۆر ده‌گریێم.
* له سیاسه‌ت نزیكیت؟
- نه‌خێر من مرۆڤێكى سیاسی نیم، به‌لاَم ولاَتى خۆم خۆش ده‌وێت و سیاسییه‌كان له رێگاى سیاسه‌ت خزمه‌ت به ولاَته‌كه‌یان ده‌كه‌ن و منیش هه‌روه‌ها له‌رێگاى به‌رهه‌مه هونه‌رییه‌كانمه‌وه خزمه‌ت به نیشتمان و جه‌ماوه‌ره‌كه‌م ده‌كه‌م.
* ئه‌گه‌ر گۆرانیبێژ نه‌بوویتایه چى ئه‌بوویت؟
- مامۆستا، له‌به‌ر ئه‌وه‌ى مامۆستا بووم و شانازى پێوه ده‌كه‌م و ئێستاش توانای ئه‌وه‌م هه‌یه زانست و هونه‌ر فێرى خه‌ڵك بكه‌م كه هه‌ردووكیان بۆ ژیانى مرۆڤ گرینگن.
* به‌پێى هۆنراوه‌ى گۆرانییه‌كانت زۆر كه‌س پێیان وایه بۆ كه‌سێك گۆرانى ده‌ڵێیت، یان گۆرانییه‌كانت گوزارشت له‌خۆت ده‌كه‌ن ... ئه‌مه راسته؟
- من دۆخى هه‌موو كچانى رۆژهه‌لاَتى ده‌خه‌مه رِوو، دڵى كچان كه‌وا چۆن هه‌ست ده‌كه‌ن گۆرانى ده‌ڵێم .... چونكه دابونه‌ریتى تایبه‌تیمان هه‌یه و كچانى رۆژهه‌لاَت وه‌كو رۆژئاواییه‌كان نین. زۆر بابه‌تى دیكه هه‌ن كه‌وا نه‌مگوتوون و له راستیدا ناتوانم شتێكى دیاریكراو بڵێم به‌لام بێگومان رۆژانى داهاتوو پتر گوزارشتى لێوه ده‌كه‌ن.
* بۆچى له مانگى ره‌مه‌زاندا ئاهه‌نگه‌كانت راده‌گریت؟
- وه‌كو رێزگرتنێك بۆ ئه‌م مانگه پیرۆزه ئاماده‌نیم هیچ ئاهه‌نگ و فیستیڤاڵێك ساز ناده‌م.
* دواى ده‌ركردنى هه‌ر ئه‌لبوومێكى نوىَ چه‌ندین كۆنسێرت و ئاهه‌نگ له لوبنان و ده‌ره‌وه‌ى لوبنان ساز ده‌كه‌یت، ئایا ئه‌مه رێكلامه بۆ ئه‌لبوومه‌كان؟
- بێًگومان به‌رهه‌مى سه‌ركه‌وتنى ئه‌لبووم له زۆرى كۆنسێرته؟
* سه‌ره‌رِاى ئه‌وه‌ى خوێنه‌رێكى باشی هه‌وڵى ئه‌وه‌ت نه‌داوه هۆنراوه بۆ گۆرانییه‌كانت بنووسییه‌وه؟
- به‌ڵىَ له ئه‌لبوومى ساڵى 2008 هۆنراوه‌ی (دایك) هى خۆم بوو، كه‌چى به‌شێوه‌یێكى گشتى حه‌ز به خوێندنه‌وه‌ى په‌رتووك و ئه‌و رۆمانانه ده‌كه‌م كه گوزارشت له له‌رووداى راسته‌قینه ده‌كه‌ن و هه‌روه‌ها بیلۆگرافییا. من ئاشقى هه‌ندێكیانم بۆ ئه‌وه‌ى سوود له ئه‌زموونى به‌هره‌داران وه‌رگرم.
* ئایا ئه‌و داهاتانه‌ى له كۆنسێرته‌كان ده‌ستت ده‌كه‌ون ده‌یبه‌خشییه هه‌ژاره‌كان؟
- من ترسم له‌و پرسیاره هه‌بوو، پێمباشه ئه‌مه له‌نێوانى خۆم و خوادا بمێنێته‌وه.
* نه‌جوا كه‌ره‌م كچێكى به‌نازه و ناز به‌سه‌ر كێوه ده‌كات؟
- نه‌خێر به‌ناز نیم و زۆر ووردم له‌كاره‌كانى زانستى و هونه‌ریم دا.
* كامه هه‌ڵوێست له‌ژیانت دا زۆر پێى كاریگه‌ر بووى؟
- زۆر هه‌ڵوێستى ناخۆش له‌ژیانمدا روویان داوه و پێمخۆش نیه باسیان لێوه بكه‌م و هه‌ر كه‌سێك تووشی هه‌ڵوێستى ناخۆش بووه.
* له‌و كاتانه‌ى به ته‌نهای بۆ خۆت گۆرانی ده‌ڵێیت، كامه گۆرانییه؟
- گۆرانییه‌كانى خاتوو فه‌یروز و هونه‌رمه‌ند وه‌دیع ئه‌لسافی.
* ئایا نه‌جوا كه‌ره‌م ئاشقه؟
- زۆر زۆر... من نامه‌وىَ دڵم كۆنترۆڵ بكه‌م و پێم باشتره خۆم رِاده‌ستى بكه‌م.
* به‌ر له ئێستا (ما بسمحلك) ت گوت و ئه‌مرِۆش (خلینی شوفك)؟
- له كۆتاییدا ده‌مه‌وىَ ئه‌وه ببینم كه‌وا له‌باره‌یه‌وه پرسیارمى لێ ده‌كه‌ى و كه گوتم (ما بسمحلك) مه‌به‌ستم له‌وه‌یه من به‌و شێوه‌یه ده‌تبینم كه‌وا پێویسته ئه‌وى تر ببینم و لێره‌شدا باس له شه‌رم و خۆشه‌ویستى رۆژهه‌لاَتى ده‌كرێت كه له‌وانه‌یه كۆتایى پىَ نه‌یێت و (خلینى شوفك) له هۆنراوه‌ى حوسێن ئیسماعیل و بابه‌تى گۆرانییه‌كه‌ش بابه‌تێكى بوێرانه‌یه له‌هه‌موو رووێكه‌وه. هه‌رگیز داواى ده‌ستكارى كردنى ده‌سته‌واژه‌ى هۆنراوه‌كه‌م نه‌كردووه و برِوام وابووه كه‌وا سنوور و هێڵى سوورى نه‌به‌زاندووه و ئه‌مه‌ش ناوبرِێكه له‌نێوان شه‌رمى كچى رۆژهه‌لاَتى و بانگه‌شه كردنى بۆ خۆشه‌ویستى.
* تۆ مرۆڤێكى به به‌زه‌ییت حه‌ز له هه‌ژار و ئه‌وانه‌یه كه سته‌میان له‌دژ ده‌كرێت و به‌رگرییت لیێان كردووه له كاتێكدا كه قوتابی بووى به تایبه‌تى به‌رگریكردن له هاورِێكانت له قوتابخانه‌دا، بۆچى نه‌بوویته پارێزه‌ر؟
- له كاتێكدا مامۆستا بووم پیشه‌كه‌ى خۆم خۆشویست و ئێستاش هونه‌رم خۆش ده‌وێت و بیرم له پارێزه‌رایه‌تى نه‌كردۆته‌وه.
* زۆر حه‌ز به وێنه‌گرتن ده‌كه‌یت و ئاره‌زووى گرتنى ده‌كه‌یت؟
- نه‌خێر هه‌رگیز به‌لاَم له‌گه‌ل هه‌ر ئه‌لبوومێك و ئاهه‌نگێكدا ئێوه‌ى رۆژنامه‌نووس وێنه‌م ده‌گرن من حه‌ز به رووكه‌ش ناكه‌م.
* بۆچى هه‌ندێك جار رقت له رۆژنامه‌گه‌رییه؟
- من هاورِێتى زۆرم له‌گه‌ل رۆژنامه‌گه‌رى هه‌یه و پێموایه رۆژنامه‌گه‌رى وێنه و وشه‌ی هونه‌رمه‌نده و له‌ناخمدا رقم بۆ رۆژنامه‌گه‌رى نیه و رۆژنامه‌نووس و رۆژنامه‌كانم خۆش ده‌وێت.
* به‌رهه‌مى دیكه‌ى دوور له هونه‌رت هه‌یه؟
- هه‌موو كاتى خۆمم بۆ هونه‌ر ته‌رخان كردووه و هه‌رگیز هیچ كارێكى دیكه‌م نیه جیا له هونه‌ر.
* كامه ره‌نگت له‌لا جوانه؟
- سه‌وز
* تۆ مامۆستابوویت، فێركردنى سه‌دان قوتابى چ جیاوازیێكى له‌نێوانى هونه‌ر و مامۆستایه‌تیدا هه‌یه؟
- له زانستدا تۆ پێویستیت به هه‌وڵ و ماندوبوون هه‌یه بۆ ئه‌وه‌ى بگه‌یته ئامانجه‌كانت كه‌چى له هونه‌ردا له‌یه‌ك كاتدا پێویستیت به ماندوبوون و به‌هره ده‌بێت.
* له چ كاتێكدا خۆت لاواز ده‌بینیت؟
- له كاتێكدا كه تواناكانى یه‌زدانی گه‌وره ده‌بینم.
* كىَ ئه‌و كه‌سه‌یه كه‌وا نهێنییه‌كانى ژیانى خۆتى له‌گه‌ل باس ده‌كه‌یت؟
- نه‌جواى دووه‌م، پشت به‌خوا ده‌به‌ستم دواتریش له‌سه‌ر خۆم ... له هه‌ندێك بوارى دیكه‌شدا كه‌سانێك هه‌ن له نێو خانه‌واده‌كه‌م كه راوێژیان پێ ده‌كه‌م.
* ئایا كابانێكى چاكیت؟
- له دروست كردنى شیرنه‌مه‌نى و شتى دیكه‌ش.
* زانیاریت سه‌باره‌ت به گۆرانى كوردى هه‌یه و كێن ئه‌و هونه‌رمه‌نده كوردانه‌ى كه ده‌یانناسیت؟
- زۆر گوىَ له گۆرانى كوردى ده‌گرم به‌لاَم وه‌كو ناو گۆرانیبێژه‌كان ناناسم.
* زۆر جار گوتووته كه‌وا له‌به‌ر پیاو ناتوانم واز له هونه‌ر بهێنم؟
- هونه‌ر له شته گرینگه‌كانى ژیانمه و دووباره‌شی ده‌كه‌مه‌وه من له‌پێناو پیاو واز له‌هونه‌ر ناهێنم هه‌ر وه‌كو له‌سه‌ره‌تادا باسم كرد من مرۆڤێكى هونه‌رمه‌ندم و كاته‌كانم هه‌مووى بۆ ئه‌وه.
* چى بۆ گوێگر و هه‌وادارنى گۆرانییه‌كانت له كوردستان ده‌ڵێیت؟
- پێیان راده‌گه‌یه‌نم كه‌وا له‌و نزیكانه له شارى به‌عله‌به‌گ كارێكم بۆیان هه‌یه. پشتیوان به‌خودای گه‌وره گه‌شتێك له‌به‌رنامه‌ممدا هه‌یه بۆ عیراق.
*با تۆزىَ له هونه‌ر دوور كه‌وینه‌وه كاته‌كانت چۆن به‌سه‌ر ده‌به‌یت؟
- هه‌موو كاته‌كانى خۆم له‌گه‌ل خانه‌واده‌كه‌م به‌سه‌ر ده‌به‌م و هه‌ره‌وها له دروست كردنى شیرنه‌مه‌نى و هاوكارییان ده‌كه‌م به تایبه‌تى زۆر حه‌ز به شیرنه‌مه‌نى ده‌كه‌م و ئه‌گه‌ر خۆم دروستى بكه‌م.
* كه له‌گه‌ل خانه‌واده‌كه‌تى ده‌ڵێن زۆر قسه ده‌كه‌یت؟
- به‌شدارى گفتوگۆیه‌كان ده‌كه‌م له‌هه‌موو بابه‌تێك دا.
* دانیشتووانى شاره‌دێى (زه‌حله) باس له رۆژانى منداڵه‌تیت ده‌كه‌ن كه سه‌رۆكى گرووپێكى منداڵه چه‌توونه‌كان بووى و یان به واتایێكى دیكه ده‌سه‌لاَتت به‌سه‌ر هاورِێكانته‌وه هه‌بووه، ئێستا چى بۆ هاورِیێه‌كانت ده‌ڵێیت كه ئه‌وسا له‌گه‌لیان ژیاویت؟
- دانیشتووانى زه‌حله‌م زۆر خۆش ده‌وێت و من زه‌حلاویم و به‌رده‌وامیش په‌یوه‌ندیم له‌گه‌لیاندا هه‌یه، هه‌موو كه‌سێك ده‌گۆرِێت و ژیانیش به چه‌ند قۆناغێكدا ره‌ت ده‌بێت ... شانازى به زه‌حلاویه‌تى خۆم ده‌كه‌م.
* هه‌ست ناكه‌ى ته‌مه‌نت به‌سه‌ر چووه؟
- هه‌رگیز ئه‌و هه‌سته به مێشكمدا نه‌هاتووه.
* چۆن ئه‌م وشانه لێك ده‌ده‌یته‌وه؟
ولاَت: ره‌گ و بوون
مۆزیك: به‌خته‌وه‌رى دڵ
خۆشه‌ویستى: خۆشنوودى و په‌ناگه
رۆژنامه‌گه‌رى: به‌رده‌وامیبوون له‌گه‌ل جیهان.
دابرِان: په‌ستى
* دوا وته‌ت؟
- سوپاسى تۆ و سوپاسی رۆژنامه‌گه‌رى كوردى ده‌كه‌م و داواى لێبووردنیشم هه‌یه له‌به‌ر ئه‌وه‌ى له ئه‌نجامدانى ئه‌م دیمانه‌یه دوا كه‌وتم و هۆكاره‌كه‌شی له‌به‌ر ده‌ركردنى دوا ئه‌لبووم بوو، خۆشه‌ویستى و رێز بۆ هه‌واداره خۆشه‌ویسته‌كانم هه‌یه له‌هه‌ر كوێیه‌ك بن.
