رِوونكردنه‌وه‌یه‌ك بۆ رِۆژنامه‌ی هه‌ولێر

له‌ ژماره‌ (504)رۆژنامه‌ی هه‌ولێری ئازیزله‌ لاپه‌رِه‌ (20)بابه‌تیك بلاوكراوه‌ته‌وه‌ له‌ ژێرناونیشانی عه‌دنان كه‌ریم سێباره‌ له‌ گه‌ل كامكاراندا كار ده‌كات .بلاو كراوه‌ته‌وه‌
كاتێك ناونیشانی بابه‌ته‌كه‌مخوێنده‌وه‌ سه‌رنجی رِاكێشام بۆیه‌ به‌ پێویستم زانی رِوونكردنه‌وه‌یه‌ك بنووسم چونكه‌ ناوه‌رِۆكی بابه‌ته‌كه‌ كه‌م وكورِی زۆری تیا به‌دی ده‌كرێت .ئه‌مه‌ش ده‌گه‌رِێته‌وه‌ بۆ ئه‌ستۆی ئه‌م به‌رِێزه‌ی كه‌ وه‌كو سه‌رچاوه‌ ئێوه‌ پشتتان پێی به‌ستووه‌ من وه‌كو هاورِێی عه‌دنان كه‌ریم و هۆگرێكی ده‌نگی كه‌ له‌نزیكه‌وه‌ ئاشنایه‌تیم له‌گه‌ڵی هه‌یه‌ و سه‌ردانیشم كردوه‌ .حه‌ز ده‌كه‌م به‌شێوه‌یه‌كی كورت باسێك له‌سه‌ر ئه‌م بابه‌ته‌ بكه‌م. . سه‌رچاوه‌كه‌ باس له‌وه‌ ده‌كات كه‌ عه‌دنان كه‌ریم سێباره‌ له‌گه‌ل كامكارندا كار ده‌كات عه‌دنان كه‌ریم تا ئێستا یه‌ك ئه‌لبومی له‌گه‌ل كامكاراندا به‌رهه‌م هێناوه‌ ئه‌ویش ئه‌لبومی (ئه‌مشه‌و) ئه‌م سه‌رچاوه‌یه‌ی ئه‌م هه‌واله‌ی به‌ ئێوه‌ رِاگه‌یاندوه‌ زور بێ ئاگایه‌ له‌ هه‌والی هونه‌ری .حه‌ز ده‌كه‌م ئه‌م به‌ریّزه‌ ئاگادار بكه‌مه‌وه‌ كه‌ عه‌دنان كه‌ریم خه‌ریكی كاری به‌رهه‌مێكی نوێیه‌ له‌كه‌ل كامكاران كه‌ له‌ 13 تراك پێك دێت به‌شێكی زوری كاره‌كانی ته‌واو بووه‌ به‌لام له‌به‌ر هه‌ند ێك هۆكاری تایبه‌ت به‌خودی عه‌دنان كه‌ریم تاوه‌كو ئیستا بلاو نه‌كراوه‌ته‌وه‌ . گروپێكی وه‌كو كامكاران كه‌ به‌تاكه‌ گروپی سه‌ركه‌وتو داده‌نرێت له‌ رۆژ هه‌لات زور به‌ شانازیه‌وه‌ كار له‌گه‌ل عه‌دنان كه‌ریم ده‌كه‌ن. من له‌ گۆڤاری گولان بابه‌تێكم بلاوكرده‌وه‌ به‌ناونیشانی عه‌دنان كه‌ریم له‌ نێوان نوێكاری و داهێناندا .تێدا به‌ تێرو ته‌سه‌لی له‌ كاركردنی عه‌دنان كه‌ریم له‌گه‌ل كامكاران. گروپی كامكاران و ده‌نگی عه‌دنان كه‌ریم ته‌واوكه‌ری یه‌كترین هه‌ر گۆرانی بێژێكی تر ناتوانیت وه‌كو عه‌دنان كه‌ریم كار له‌گه‌ل ئه‌م گروپه‌ بكات چونكه‌ زوربه‌ی ده‌نگ له‌نیّو ئه‌م جۆره‌ ئامێرانه‌ی كامكاراند وون ده‌بێت به‌ پێچه‌وانه‌ی ده‌نگی عه‌دنان كه‌ریم
سه‌ره‌رای ئه‌وه‌ش كامكاران ئاماده‌ نینه‌ له‌گه‌ل هه‌موو هونه‌رمه‌ندێك كار بكه‌ن
به‌لام به‌ پیّچه‌وانه‌ ده‌نگی عه‌دنان كه‌ریم هیچ كاتێك له‌كه‌ل ئه‌م گروپه‌ وون نه‌بوه‌ وه‌ك ئه‌وه‌ی له‌ بابه‌ته‌كه‌ ئاماژه‌ی پێكراوه‌ عه‌دنان كه‌ریم خاوه‌ن رِێچكه‌یه‌كی تایبه‌ته‌ له‌بواری كاری هونه‌ری خۆیدا چ له‌ هه‌لبژاردنی هۆنراوه‌ یاخود مۆسیك یا كلیپ . ئه‌و هۆنراوانه‌ی عه‌دنان كه‌ریم ده‌یانكات به‌ گۆرانی به‌م شێوه‌یه‌ نیه‌ كه‌ له‌ بابه‌ته‌كه‌ باس كراوه‌ پرسیار ئه‌وه‌یه‌ ئه‌گه‌ر شیعره‌كان ئه‌وه‌نده‌ گران وزه‌حه‌تن بۆ به‌شێكی یه‌كجار زۆری لاه‌وكانمان گۆرانی عه‌دنان كه‌ریم ده‌لێنه‌وه‌ به‌ تایبه‌تی له‌ به‌رنامه‌ی ستۆدیوَی ئه‌ستێران ئایا ئه‌مه‌ به‌لگه‌ی ئه‌وه‌ نیه‌ كه‌ شیعره‌كانی عه‌دنان كه‌ریم سوك و ئاسانه‌ بۆ هه‌زم كردن.نه‌خوازمه‌ بۆ ئه‌وانه‌ی كه‌ ده‌نگى خۆیان تاقی ده‌كه‌نه‌وه‌ و تازه‌ ده‌بنه‌ هونه‌رمه‌ند؟
من له‌دوای بلاوبونه‌وه‌ی ئه‌لبومی (ئه‌مشه‌و)سه‌ردانی زۆربه‌ی هونه‌رمه‌ندو مۆسیك زانانم كرد سه‌باره‌ت به‌ كاركردنی عه‌دنان كه‌ریم له‌گه‌ل كامكاراندا به‌شێكی یه‌كجار زۆری ئه‌م هونه‌رمه‌ندانه‌ پێیان وابوو كه‌ عه‌دنان كه‌ریم رِوو له‌ داهێنانه‌ له‌گه‌ل گروپی كامكاراندا
عه‌دنان كه‌ریم له‌ نێو هونه‌ری كوردیدا به‌مامۆستای گۆرانی كوردی ناو ده‌نرێت به‌لام سه‌باره‌ت به‌ده‌رنه‌كه‌وتنی له‌ میدیاكاندا ده‌گه‌رِێته‌وه‌ بۆ چه‌ند هۆیه‌كی گرنگ كه‌ تایبه‌ته‌ به‌ رۆژنامه‌نووسان ئه‌ویش ئه‌وه‌یه‌ كه‌ رۆژنامه‌نووسان به‌رپرسن لێی له‌ كاتی ئه‌نجام دانی چاوپێكه‌وتن قسه‌كانی هورمه‌ندان به‌ پێچه‌وانه‌ ده‌گوازنه‌وه‌ئیتر ئه‌مه‌ش ده‌بێته‌ مایه‌ی دلته‌نگی بۆ هونه‌رمه‌ندان.
رۆژنامه‌یه‌ك دیمانه‌یه‌كی له‌گه‌ل عه‌دنان كه‌ریم ئه‌نجامدا له‌دوای روخانی رژێم نامه‌ویّ ناوی رۆژنامه‌كه‌ بێنم پرسیاریكی له‌ عه‌دنان كه‌ریم كرد سه‌باره‌ت به‌ كه‌ركوك گوایه‌ عه‌دنان كه‌ریم له‌ وه‌لامدا ده‌لێت ئاماده‌ نیم سه‌ردانی كه‌ركوك بكه‌م ئیتر ئه‌م هه‌واله‌ عه‌دنان كه‌ریمی زۆر دلته‌نگ كرد له‌كاتێكدا عه‌دنان كه‌ریم له‌دایك بووی كه‌ركوكه‌ له‌ هه‌موو سه‌ردانێكیشی بۆ كوردستان به‌ر له‌ هه‌موو شوێنی سه‌ردانی كه‌ركوك و گوندی ژاژله‌ ده‌كات .
نامه‌وێ زیاتر درێژه‌ به‌باسه‌كه‌م بده‌م به‌لام نا دروستی بابه‌ته‌كه‌ وای لێكردم ئه‌م رونكردنه‌وه‌یه‌ بنووسم بۆ ئه‌و به‌رێزه‌ی كه‌ وه‌كو سه‌رچاوه‌ به‌ رۆژنامه‌ی هه‌ولێری راگه‌یاندوه‌