بورهان مه‌جید له‌به‌ر ئه‌و جه‌ماوه‌ره‌ی هه‌مه‌ بریارم دا ئه‌لبومێكی نوێی گۆرانی بلاوبكه‌مه‌وه‌

هونه‌رمه‌ندی گۆرانیبێژ بورهان مه‌جید دوای دابرِانێكی زۆر له‌كاری هونه‌ری، به‌نیازه‌به‌م نزیكانه‌له‌رێگه‌ی ئه‌لبومێكی نوێی گۆرانی به‌جه‌ماوه‌ركه‌ی شاد بێته‌وه‌. له‌چوارچێوه‌ی به‌شداریكردنی له‌به‌رنامه‌ی "هونه‌رستان"ی رادیۆی زاگرۆس، بورهان مه‌جید له‌به‌شێكی به‌رنامه‌كه‌دا ئاماژه‌ی به‌وه‌كرد كه‌ئێستا سه‌رقاڵی ئه‌لبومی نوێی گۆرانییه‌تی به‌ناوی "بۆ سلێمانی" و ئێستا له‌قۆناغی كۆتایی به‌رهه‌مهێنانی دایه‌، گوتیشی "له‌م ئه‌لبومه‌مدا ته‌نها یه‌ك گۆرانی كۆنی خۆم نوێی كردۆته‌وه‌، گۆرانییه‌كانی دیكه‌ش نوێن و تێكسته‌شیعرییه‌كانی له‌لایه‌ن شاعیر ئیسماعیل خورماڵی نووسراوه‌". ده‌رباره‌ی ئه‌و بێده‌نگییه‌ی كه‌ماوه‌یه‌كی زۆر نواندویه‌تی، رایگه‌یاند "له‌به‌ر ئه‌و جه‌ماوه‌ری كه‌هه‌مه‌و ده‌نگی منیان ڵێ خۆشه‌برِیارم دا ئه‌لبومێكی نوێی گۆرانیان بۆ بڵاوبكه‌مه‌وه‌". هونه‌رمه‌ندی گۆرانیبێژ بورهان له‌ماوه‌ی كاركردنیدا له‌نێو گۆرِه‌ڵانی هونه‌ری موزیك و گۆرانی كوردی، توانی جه‌ماوه‌رێك بۆخۆی دیاری بكات، هه‌رچه‌نده‌ماوه‌یه‌كی دوورو درێژه‌له‌كاری هونه‌ری دووركه‌وتبووه‌، به‌ڵام ئه‌مجاره‌جارێكی دیكه‌له‌رێگه‌ی ئه‌لبومێكی 12 تراكی به‌جه‌ماوه‌ركه‌ی شاد ده‌بێته‌وه‌.